Околу 250.000 луѓе учествуваа на церемонијата во Сантос за погребот на кралот на фудбалот Пеле. На местото на настанот пристигнаа обични луѓе, државници, уметници и фудбалски великани од целиот свет за да се простат од големиот Бразилец. Сепак, бразилската јавност забележа дека на настанот не беа присутни легендите како Зико, Ромарио, Роналдо, Кака и Роналдињо, како и актуелната ѕвезда на „кариоките“, Нејмар.
Иронично, Мауро Силва беше единствениот член на бразилскиот тим кој го освои Светското првенство во 1994 година, кој присуствуваше на збогувањето на Пеле, додека речиси сите фудбалери кои беа шампиони во 2002 година не се појавија во Сантос.
Објаснувајќи го своето отсуство, поранешната ѕвезда на Барселона Ривалдо рече:
„Дури и да бев во Бразил, не сум сигурен дека ќе бев таму. Иако сум свесен дека Пеле беше најдобар на сите времиња не ги сакам таквите моменти“, вели Ривалдо.
Кафу, кој беше капитен на Бразил во 2002 година, ги откри и причините зошто не се вратил во Јужна Америка:
„За жал, не можев да присуствувам на богослужбата бидејќи сум на другата страна на светот поради работа. За жал, не можев”.
