ПСЖ го стави Нејмар на трансфер листата и е подготвен да слуша понуди од други клубови, пренесуваат шпанските медиуми. Францускиот клуб ја намали цената на само 50 милиони евра со надеж дека ќе привлече клубови од Премиер-лигата како Њукасл, Челзи и Манчестер Сити.
30-годишниот Бразилец е најскапиот играч во историјата на фудбалот. ПСЖ го донесе од Барселона пред пет години за 222 милиони евра, а Бразилецот не успеа да ја оствари целта и да им ја донесе на титулата европски првак. Договорот е до 2027 година.
Раководството на клубот почна да паничи кога го виде договорот на Нејмар, кој по 1 јули минатата година автоматски беше продолжен до 2027 година, со астрономска плата која му овозможува да живее како еден од најплатените спортисти на денешницата.
Работата веројатно немаше да биде ниту проблематична ниту итна доколку Килијан Мбапе не потпишеше нов договор со ПСЖ пред еден месец, кој успеа да го задржи во битката со Реал Мадрид нудејќи му во основа – бланко чек.
Покрај тоа, Лионел Меси се уште е во клубот, па нивните три плати сега изнесуваат околу 210 милиони евра, сума што ги надминува сите буџети на многу големи европски клубови, ретко кој може да го финансира ова.
Со сите манипулации со буџетот и правилата, ниту ПСЖ не може да издржи таков притисок врз буџетот, со оглед на старо-новите правила на УЕФА околу одржливоста и бизнисот. Веќе минатата сезона стана јасно дека не постои соблекувална која може да се справи со тројца играчи како Меси, Нејмар и Мбапе во исто време.
Посебно нема буџет кој може да поднесе такви три трошоци. Можеби навистина би имало еден ако не треба да ги платите другите 20 играчи со исто така високи примања, така што ваквата одлука, како што ПСЖ комуницираше преку неофицијални канали претходно, не е изненадувачка.
