Иако одигра само шест месеци за Ал Ахли, сепак и тоа беше доволно Езџјан Алиоски се најде во тимот на годината во Саудиска Арабија. Во првиот дел од годината нашиот репрезентативец блескаше во дресот на Ал Ахли, има просечна оценка од 7.19 и затоа се најде во идеалниот тим на левата бековска позиција во идеалниот тим на елитната лига во Саудиска Арабија.
Колку за потсетување, Џани во летниот преоден рок се пресели во Фенербахче како позајмен играч, но сега се шпекулира дека тој би можел да се врати во Са. Арабија, каде што настапуваат Дарко Велковски (Ал Итифак), Александар Трајковски (Ал Фејха) и се разбира Роналдо (Ал Наср).
