Досегашниот селектор на Белгија, Роберто Мартинез, кој по дебаклот на СП во Катар доби отказ, не чекаше многу за да добие нова моќна селекција под свое. Имено како што известуваат медиумите во Португалија, како и низ Европа, тој е новиот селектор на Португалцитекои пак по Мундијалот останаа без селектор откако се разделија со Фернандо Сантош.
Во изминатите недели се пишуваше дека покрај Мартинез, Фудбалската федерација на Португалија преговара и со Мурињо, Ван Гал и уште некои, но денеска е постигнат вербален договор со Мартинез. Допрва ќе следува официјалниот потпис и секако промоцијата.
