Лука Дончиќ уште еднаш одигра одличен натпревар во НБА лигата. Во победата на Далас Маверикс над Њу Орлеанс Пеликанс од 127:117 оствари нов трипл-дабл учинок. Тоа веќе беше деветти трипл-дабл сезонава за Словенецот, кој е еден од главните кандидати за наградата МВП.
По мечот од страна на новинарите беше прашан дали ги следи главните конкуренти за МВП наградата, на што даде изненадувачки одговор.
„Јас навистина не ги следам натпреварите во НБА, не ги гледам на телевизија, освен ако не се навистина добри. Повеќе ја гледам Евролигата“, рече Дончиќ.
Оваа сезона словенечкиот кошаркар е главната причина поради која Далас е претендент за врвот во Западната конференција. Моментално клубот од Тексас е на четвртата позиција и има скор 23-17. Победата против директните конкуренти Њу Орлеанс Пеликанс беше многу важна за Далас.
