Реал Мадрид доживеа пораз од Виљареал, го препушти врвот на Барселона, им следува пеколен распоред во јануари, а сега останаа без двајца првотимци. Давид Алаба и Оралиен Чуамени се повредени и ќе паузираат околу три недели, што значи дека ќе се вратат на почетокот на февруари.
Двајцата ќе го пропуштат Суперкупот на Шпанија во Ријад, во среда ќе игра со Валенсија во полуфинале, а потоа и потенцијално финале со Барса или Бетис во недела. Следува дуелот со Виљареал во Купот на кралот, а потоа и мечевите со Атлетик Билбао и Сосиедад во Ла Лига. Сите тие натпревари ќе ги пропуштат Чуамени и Алаба.
