Со новиот стратег Иван Варадиновски екипата на Детонит Плачковица ги почна подготовките за вториот дел од сезоната во Втората македонска лига. Клубот ги претстави и двајцата нови играчи, а тоа се Алпај Јусуф и Богдан Велиновски и најави дека помотивирани и посилни ќе се борат за влез во Првата лига.
„ Пред нас се подготовките за пролетниот дел од сезоната, како и неколку пријателски натпревари и очекуваме дека со силна сплотеност и упорност ќе имаме нови заеднички радости. Спортски поздрав“, напиша претседателот на клубот, Јовица Трајчев.
