Кирил Лазаров и неговите момци не успеаја да приредат изненадување на стартот на Светското првенство. Норвешка сепак покажа зошто е еден од најголемите претеденти за медал, а ние имавме премногу технички грешки, кои не смеат да се повторат.
„Честитки до Норвешка, ја заслужија победата беа подобри од нас. Норвешка сепак е меѓу четирите најдобри на светот според мене. Бевме рамноправи во првите 20 минути, беше невозможна мисија да се игра против нив во текот на сите 60 минути. Направивме многу технички грешки, моите помошници ми кажаа дека вкупно 17 технички грешки, значи 17 контранапади за нив. Одбраната не беше единствен проблем, туки и нападот, но во секој случај ќе повторам техничките грешки беа премногу.
Ги изненадивме со седум на шест во вториот дел. Еден период разликата беше седум гола, во следните пет минути 12. Мислам ќе бидеме подобри во следниот меч, Норвешка е добра, но не е Холандија, имаме шанси да ги изненадиме.
Немаме што да изгубиме, имаме еден ден да се одмориме. Нашата цел е да оствариме победа против Холандија и Аргентина“, изјави Лазаров.
Утре е слободен ден, Македонија следниот меч го игра на 15. јануари против Холандија.
