Ништо нема да ја наруши атмосферата во македонската ракометна репрезентација. Вчера беше само почеток, утре е нов ден.
Холандија не е Норвешка, ова добро им е познато на нашите момци. Добро знаат каков противник имаат пред себе, тактиката се „крчка“, со ист мотив и голема самодоверба ќе влезат против „лалињата“.
Македонската јавност треба да верува во овие момци, поддршката од трибините, но и пред ТВ-екраните и социјалните мрежи, е нешто што најмногу им е потребно. Ветуваат дека ќе возвратат со добра игра и секако победа која ќе не стави пред портите на главната рунда.
