Дејан Манасков е разочаран од поразот од Холандија во вториот меч на СП. Она што го кажа пред мечот денеска се оствари и тој беше лут поради играта и поради слабиот квалитет на тимот.
„Не сум паметен што да кажам. Катастрофа… Тоа што го кажав пред натпреварот се оствари денеска. Кажав дека ако играме како против Норвешка ќе изгубиме 10 разлика и изгубивме 10 разлика“, изјави Манасков.
„Очигледно немаме квалитет. Тоа е проблемот. Немаме квалитет за вакви натпревари, а вакви натпревари се играат со концентрација, со глава, со срце, а без мотивација и со изгубени глави не се играат вакви натпревари. Не знам што да кажам повеќе… Ќе собереме сили и ќе се обидеме да ја победиме Аргентина и да отидеме во втор круг колку да се рече дека сме во втор круг и потоа со Господ на помош таму“, додаде нашиот ракометар.
