Македонската репрезентативна надеж Андреј Јакимовски одигра перфектен меч за Универзитетот Вашингтон Стејт и со 17 поени им донесе деветта сезонска победа на своите момци сезонава. На дуелот со Универзитетот Станфорд, Јакимовски за 31 минута на паркетот освен 17 поени запиша и 2 скока и 2 асистенции, а средбата ја заврши како најдобар поентер за својот тим.
Јакимовски и Вашингтон Стејт дојдоа до скор 9-10 во досегашниот дел од сезоната во обид да го поправат впечатокот веќе на следните средби. Инаку, Вашингтон врза низа од три последователни победи.
