Струга Трим Лум не се шегува. Есенскиот првак од денеска е посилен за Марјан Радески. Се разбира дека ова е супер засилување за тимот на стратегот Срѓан Захариевски. Радески е повремен репрезентативец, некогашен играч на Металург, Шкендија, А.Пандев,Шкупи, а во Струга ТЛ доаѓа од тимот на Пјуник (Ерменија).
За тие што се сеќаваат, токму Захариевски како тренер на Металург го промовираше Марјан Радески тогаш во еден голем потенцијал за нашата ПМФЛ кога во таа 2015 година беше продаден на Шкендија за 150.000 евра што уште е рекорд во Македонија.
Со Ибраими, Малески, секако Радески, како и со останатите во нападот, секако дека Струга ТЛ најавува пролетна битка за титулата, за одбрана на лидерската позиција.
