По првите 30 минути Македонија води со 19:11 против Алжир на првиот меч од „Президент Купот“ на СП во Полска и Шведска. Овој натпревар се игра во “Орлен Арената“ во Плоцк.
Сосема добар почеток на нашите момци, имаа водство од 1:0, 2:1, 3:2, потоа влеговме во серија од три голови за водство од 6:2. Тоа водство постојано беше присутно од 3-4 голови за нас. Разиграни беа Пешевски, Манасков, Талески, од контри ја полневме мрежата на Алжир. Контрите беа одлично изведувани и тоа резултираше со лесни голови. Младеновиќ за 9:4 го постигна својот прв мундијалски гол.
Ритам кој нас ни одговара во секој случај, така се играше. Игравме разноврсно, игравме и преку Пешевски, кој и тоа како се истакна во овој период од играта.
Интересно и Митревски беше стрелец од гол на гол во 28.минута.
