Вест Хем успеа да го договори трансферот на искусниот напаѓач Дени Ингс од Астон Вила. Ингс доаѓа кај „чеканите“ во трансфер вреден 15 милиони фунти, објави утрово „Скај Спортс“.
30 -годишниот Ингс започна само осум натпревари во Премиерлигата за Астон Вила оваа сезона, но беше одличен и запиша дури 6 погодоци. Тој сега треба да биде големо освежување за Вест Хем во нападот, каде ќе се бори со Антонио и Скамака за напаѓачките места во ростерот на Дејвид Мојс.
Саботниот пораз од 1-0 кај Вулверхемптон ги одведе „чеканите“ во зоната за испаѓање, па Мојс бара алтернативи за да ја подобри формата и да го остави Вест Хем во елитата.
