Неславно заврши авантурата на легендарниот Франк Лампард на клупата на Евертон. Тој доби отказ по серијата на лоши резултати кои го турнаа тимот во опасната зона (19 позиција) и има 15 бода од 20 натпревари, со само три победи до сега што е најлош рекорд во најсилната англиска лига. Поразот од Вест Хем со 2:0 пред очите на сопственикот означи 10 меча по ред без победа и момент Лампард да биде сменет.
Поранешниот тренер на Челзи дојде на „Гудисон парк“ во јануари 2022 година и му помогна на тимот да избегне испаѓање, меѓутоа не ги помрдна работите на подобро затоа што повторно тимот се бори за опстанок, а сега е можеби во полоша ситуација од минатата сезона.
Од „Дејли меил“ пишуваат дека Евертон веќе почнал да бара нов стратег, а дотогаш со екипата ќе работат Лејтон Бејнс кој моментално е со У18 тимот како и Пол Таит кој е тренер на У21 екипата.
Инаку севкупниот ефект на Лампард на чело на Евертон е 12 победи во 44 меча од кои 23 се порази.
