Македонскиот репрезентативец Илија Несторовски може да го напушти Удинезе до крајот на зимскиот преоден рок. Тој добива мала минутажа во составот од Удине, а му истекува договорот до крајот на сезоната и би можел уште сега да си замине од „Фриули“. Неколку италијански екипи го сакаат во своите редови кои ќе му дадат повеќе простор за игра.
Во последните неколку недели е поврзуван со прволигашот Лече, но има и уште три клубови од Серија Б. Во Италија кружат информации дека тренерот Пипо Инзаги го сака нашиот фудбалер во Реџина, а другите заинтересирани се Венеција и Модена.
Договорот на Нестор истекува на крајот на сезоната, па Удинезе би прифатил секоја понуда за откуп и да го продаде за да не го „изгуби“ без пари.
