Сакраменто на домашен терен го совладаа Мемфис со убедливи 133-100 и дојде до 27 победа оваа сезона. Со скор од уште 19 порази се наоѓа на третото место во Западната конференција зад Мемфис.
„Кралевите“ доминираа во три четвртини, во првата постигнаа 47 поени, додека во последните две над 30 поени. Противникот во третата четвртина успеа на момент да се врати и да поведе со 71-73, но Сакраменто успеа да го сочува водството и веќе пред крајот да ја превземе контролата.
Сакраменто на дуелот против Мемфис испишаа историја на стартот на мечот. „Кралевите“ постигнаа 12 тројки од 13 обиди во првата четвртина и го изедначија рекордот во НБА-лигата. Имаа шанса да станат единствени, но на минута и пол до крајот на првиот период не реализираа.
The Kings set a franchise record and tied the NBA record with 12 threes in the first quarter 😱
Watch them all here ⬇️ pic.twitter.com/YDHchzbEVA
— Kings on NBCS (@NBCSKings) January 24, 2023
Јусуф Нуркиќ одигра еден од најдобрите мечеви во НБА-лигата. За само 26 минути поминати на теренот постигна 25 поени, додаде 11 скока и седум асистенции во победата на неговиот Портланд над Сан Антонио од 147:127.
По дабл-дабл учинокот, на Нуркиќ му беа потребни уште три асистенции за да забележи трипл-дабл учинок. Инаку, Лилард го предводеше Портланд до победата со 37 поени и 12 асистенции, Симонс додаде 26 поени.
Резултати: Детроит – Мемфис 130-150, Орландо – Бостон 113-98, Чикаго – Атланта 111-100, Хјустон – Минесота 119-114, Јута – Шарлот 120-102, Портланд – Сан Антонио 147-127, Сакраменто – Мемфис 133-100.
