Во последните 15 години вечна е дилемата во фудбалскиот свет за тоа кој е подобар фудбалер, Лео Меси или Кристијано Роналдо. Своја оценка даде и мега – ѕвездата на Ливерпул Мохамед Салах.
Египетскиот репрезентативец немаше дилеми:
„Меси е подобар од Роналдо, тука нема дебата“.
Двајцата асови доминираа во светот на фудбалот во последните 15 години. Освоија се што можеше да се освои, на Португалецот му недостига само титулата светски првак, нешто што веројатно нема никогаш да ја освои со оглед на возраста, додека Ле го фати “последниот воз“ и на Аргентина пред нешто повеќе од еден месец и ја донесе толку посакуваната трета титула, а за него прва.
