Во Турција се се погласни шпекулациите за заминување на Енис Барди од екипата на Трабзонспор. Според денешните пишувања на тамошните медиуми, и италијанскиот калчолигаш Торино влегува во трката за потписот на Барди.
Трабзонспор очекува дополнително да генерира екстра приход оваа зима од продажба на фудбалери, па затоа до крајот на зимскиот преоден рок сака да продаде уште двајца играчи, меѓу кои еден е нашиот репрезентативец.
Мајорка е еден од овие тимовите кои досега се најспоменувани како кандидат за потписот на Барди, вчера се зборуваше и за француска Ница, Рајо Ваљекано и Кадиз, а денеска Торино побарал разговори околу можниот трансфер на нашиот играч. Турскиот клуб инсистира на сума од 3 милиони евра за да му дозволи на Барди да потпише со друг клуб.
