Шкендија денеска замина за Анталија каде во следните две недели ќе ги реализира главните подготовки пред продолжението на фудбалската сезона кај нас. Тетовци веќе имаат и закажано пријателски натпревари низ кои ќе ја темпираат формата за пролетната полуетапа.
Според планот, прв ривал ќе биде Мура од Словенија (28.01). Три дена подоцна (31.01) четата на стратегот Ќатим Османи ќе ги одмери силите против ЦСКА 1948 Софија, тим од Бугарија.
На 6 февруари Шкендија ќе се сретне со гигантот Динамо Киев од Украина, а на 9 февруари ривал ќе биде добро познатата Валмиера (Летонија), тим кој што изминатото лето во 2. квалификациско коло во ЛК беше совладан со вкупни 5:2.
