Еден од членовите на златната генерација на австралискиот фудбал, Миле Стерјовски, кој има македонско потекло, но никогаш не заигра за некоја од нашите репрезентативни селекции, доби прва работа како главен тренер на еден фудбалски тим.
Стерјовски е назначен за шеф на стручниот штаб на екипата на Макартур, каде досега ја имаше улогата на асистент. Стерјовски му се приклучи на клубот во неговата инаугуративна сезона во 2020 година, преземајќи го клупскиот младински тим.
„Миле е дел од нашиот клуб од самиот почеток и ни прави голема гордост што имаме напредок на тренерската позиција“, рече извршниот директор на Макартур, Сем Кршловиќ.
