Утре завршува зимскиот преоден рок, а екипите работат на завршување на планираните трансфери. Денеска и утре ќе биде густо на трансферниот пазар затоа што клубовите ќе се обидат што побрзо да ги ангажираат фудбалерите кои ги зацртале.
Завршени се неколку трансфери во текот на денешниот ден, до вечер ќе има уште неколку.
ФУЛАМ се засили со фудбалерот од средниот ред Саша Лукиќ. За него се платени 8 милиони фунти и доаѓа од Торино. Лукиќ е српски репрезентативец и поранешен фудбалер на Партизан.
Се чини дека нема да има ништо од трансферот на шпанскиот десен бек Педро Поро од Спортинг во Тотенхем. Иако фудбалерот се договори со лондонскиот тим, сепак, Спортинг ги сменил условите. Тие побарале 45 милиони евра за трансферот на што не се согласува Тотенхем.
„Питбулот“ стана волк. Со тие зборови Вулверхемптон го претстави најновото засилување Жоао Гомез. Бразилскиот играч дојде од Фламенго за околу 19 милиони евра.
The Pitbull becomes a wolf.
🐺 @GomesOficial08 pic.twitter.com/z8lVrBK3Rl
— Wolves (@Wolves) January 30, 2023
Проблематичниот белгиски фудбалер Ража Најнголан се враќа на фудбалските терени. По раскинувањето со Антверпен поради недисциплина, тој си најде нов клуб и тоа во Серија Б. До крајот на сезоната ќе настапува за СПАЛ.
,fit(768:433))
БРАЈТОН се пофали со трансфер. Исто како и Вулверхемптон, пазареа играч од средниот ред. За 6 милиони евра го купија 19-годишниот Јасин Ајари од АИК Стокхолм.
We are delighted to confirm the signing of Yasin Ayari from Swedish side AIK on undisclosed terms, subject to international clearance. ✍️
🤝 @FirstTouchGames // #BHAFC 🔵⚪️
— Brighton & Hove Albion (@OfficialBHAFC) January 30, 2023
Фенербахче се пофали со засилување. Од Парма за 6 милиони евра дојде холандскиот лев бек Џејден Остерволд.
Евертон го сака Конор Галагер од Челзи. Младиот фудбалер не е во плановите на Челзи, па „карамелите“ сакаат да ја искористат ситуацијата и да го донесат фудбалерот, меѓутоа Галагер не сака да оди во Евертон.
РИВЕР ПЛЕЈТ објави дека потпишале договор со искусниот напаѓач од Венецуела, Самуел Рондон кој доаѓа од Евертон.
Српскиот фудбалер Иван Илиќ го засили Торино. Тој доаѓа од Верона во редовите на „биковите“ за 15 милиони евра.
ВЕСТОН МЕКЕНИ го напушти Јувентус и е на прегледи во Лидс Јунајтед. Тој уште вечерва или најдоцна утре ќе го комплетира трансферот на „Еланд роуд“, неофицијално вреден 35 милиони евра. Лидс може да ангажира уште еден фудбалер до крајот на преодниот рок, а тоа е Португалецот Диего Монтеиро.
Микаел Куизанс пристигна во Сампдорија од редовите на Венеција како позајмен. „Морнарите“ се во борба за опстанок во Серија А.
📄 | OFFICIAL#Cuisance è blucerchiato: arriva dal @VeneziaFC_IT a titolo temporaneo.#FORZADORIA 🔵⚪🔴⚫⚪🔵
— U.C. Sampdoria (@sampdoria) January 30, 2023
КРИСТАЛ ПАЛАС ќе го реализира трансферот на Науиру Ахамада вреден 12 милиони евра. Францускиот фудбалер од средниот ред веќе ги договорил личните услови со лондонскиот клуб.
🚨 Naouirou Ahamada will undergo his Crystal Palace medical today after they agreed a €12m fee with Stuttgart.
(Source: @David_Ornstein) pic.twitter.com/jqkxJFGI8D
— Transfer News Live (@DeadlineDayLive) January 30, 2023
