Напаѓачот Самир Фазли се врати во Македонија Ѓорче Петров по авантурата во казахстанскиот ФК Туран. Фазли играше за „лавовите“ од Ѓорче па минатата година направи трансфер во споменатиот казахстански прволигаш, а сега повторно е со тимот од Ѓорче на подготовките во Анталија.
Во минатото Фазли играше и за Шкендија, беше и во хрватски Рудеш, холандските Херенвен, Хелмонд Спорт и швајцарски Вил. Кариерата ја почна токму во Македонија ЃП.
