Откако пред една недела беа објавени првите „петорки“ за Ол-стар натпреварот во НБА лигата, денеска НБА објави и 14 резерви избрани од тренерите.
Лука Дончиќ пред една недела по третпат во кариерата стана член на првата петорка на Ол-стар натпреварот по избор на навивачите, медиумите и играчите. Заедно со него во првата петорка на Западот се најдоа и капитенот Леброн Џејмс (Лос Анџелес Лејкерс), Стивен Кари (Голден Стејт Вориорс), Никола Јокиќ (Денвер Нагетс) и Зион Вилијамсон (Њу Орлеанс Пеликанс).
Меѓу резервите на Западот се Гилџиус-Александер (Оклахома), Марканен (Јута Џез), Пол Џорџ (ЛА Клиперс), Џерен Џексон Јуниор (Мемфис Гризлис), Демијан Лилард (Портланд Трејл Блејзерс), Џа Морант (Мемфис Гризлис) и Домантас Сабонис (Сакраменто Кингс).
На Истокот капитен е Јанис Антетокумпо (Милвоки Бакс), а во првата петорка покрај него ќе играат Кевин Дурент и Кајри Ирвинг (двајцата Бруклин Нетс), Донован Мичел (Кливленд Кавалирс) и Џејсон Тејтум (Бостон Селтикс).
Резерви се Бам Адебајо (Мајами Хит), Џејлен Браун (Бостон Селтикс), Демар Дерозан (Чикаго Булс), Џоел Ембиид (Филаделфија 76ерс), Тајрис Халибартон (Индијана Пејсерс), Џру Холидеј (Милвоки Бакс) и Џулиус Рендл (Њујорк Никс).
Team Captains @KingJames and @Giannis_An34 will select from the Player Pool in the 2023 #NBAAllStar Draft presented by Jordan Brand.
It will air as a new, live pregame segment at the 2023 NBA All-Star Game on Sunday, Feb. 19 at 7:30 pm ET from Vivint Arena in Salt Lake City. pic.twitter.com/fkl1kg3adQ
— NBA (@NBA) February 3, 2023
