Ако мислевте дека со крајот на преодниот рок ќе дојде и крајот на засилувањата во тимот на Челзи зимава се излажавте.
Откако потрошија „еден тон“ пари за Давид Датро Фофана (10,5 милиони фунти, Молде), Беноа Бадијашиле (33 милиони фунти, Монако), Андреј Сантос (18 милиони фунти, Васко де Гама), Жоао Феликс (9,7 милиони фунти заем, Атлетико Мадрид), Михајло Мудрик (62 милиони фунти Шахтјор Доњецк, Нони Мадуеке (30 милиони фунти, ПСВ Ајндховен), Мало Густо (26,3 милиони фунти, Лион), Енцо Фернандез (106,8 милиони фунти, Бенфика), од Челзи информираат дека е комплетиран трансферот и на У17 репрезентативецот на Англија, Џими Морган кој е член во моментов на Саутемптон.
Младиот талент ќе го чини Челзи осум милиони фунти, а секако Морган до лето останува дел од Саутемптон. Дури потоа ќе биде комплетиран неговиот трансфер, во тим кој очигледно наскоро ќе изгледа сосема поинаку одколку што тоа е случај во моментов.