Кошаркарите на Денвер во дербито на вечерта славеа над шампионот Голден Стејт со 134:117. Српскиот центар Никола Јокиќ го оствари својот 17-ти трипл-дабл сезонава во домашниот тим и беше најзаслужен за новиот, 36-ти триумф на Нагетс сезонава.
Најефикасен во домашниот тим беше Џамал Мареј со 33 поени, осум асистенции и пет скока. Јокиќ, кој беше прогласен за најдобар играч на јануари во Западната конференција, забележа 22 поени, 16 асистенции и 14 скока. Во тимот на Голден Стејт, Кари постигна 28 поени.
Далас на домашен терен славеше над Њу Орлеанс со 111:106 и им го нанесе 10-от последователен пораз на „пеликаните“. Тимот од Тексас водеше со 84:56 во средината на третиот период, кога теренот го напушти словенечкиот играч Лука Дончиќ поради повреда на петицата.
Дончиќ постигна 31 поен за домашниот тим, заедно со осум скока и четири асистенции, а Спенсер Динвиди постигна 21 поен.
Милвоки го победи Лос Анџелес Клиперс со 106:105 во меч во кој Јанис Адетокунбо со 54 поени и 19 скока го предводеше домашниот тим до шестиот последователен триумф.
НБА РЕЗУЛТАТИ:
Индијана – ЛА Лејкерс 111:112
Кливленд – Мемфис 128:113
Њујорк – Мајами 106:104
Чикаго – Шарлот 114:98
Далас – Њу Орлеанс 111:106
Денвер – Голден Стејт 134:117
Милвоки – ЛА Клиперс 106:105
