Македонската ракометна репрезентативка Леонида Гичевска кариерата ја продолжува во француски Безансон. Таа доаѓа во францускиот шампионат од екипата на Локомотива Загреб, со која настапуваше и во Лигата на шампионите.
24-годишната репрезентативка има искуство во Франција, затоа што настапуваше за некогашните состави на Самбре-Авесноа и Ле Пузин.
„Навистина сум среќна што пристигнав во Безансон. Тоа е клуб со долга и убава историја! Мислам дека Безансон е клуб со големи цели. Од моја страна, големо задоволство е да играм за Безансон и да му помогнам на тимот најдобро што можам. Едвај чекам да ја започнам авантурата“, изјавила нашата репрезентативка.
Безансон моментно е на 7. место во француската елитна конкуренција.
