Фудбалерите на Тотенхем го совладаа Манчестер Сити во големото дерби од 22. коло на Премиер лигата со 1:0 и не му дозволија на шампионот да го искористи вчерашниот „кикс“ на Арсенал за да се доближи на врвот на табелата во битка за титулата.
Херој на мечот беше неверојатниот Хари Кејн, кој со својот 267. гол во дресот на Тотенхем го реши прашањето на победникот и стана најдобар стрелец во историјата на клубот.
Манчестер Сити вечерва беше далеку од оној шампионски тим на „граѓаните“ кој сме навикнале да го гледаме и евидентно е дека тимот на Гвардиола влегува во криза.
Во 87. минута Тотенхем остана со десетмина на теренот, откако Кристијан Ромеро го заработи вториот жолт картон, но Сити немаше доволно време да ја искористи предноста.
Standings provided by Sofascore
