Словенечкиот одбојкарски шампион АЦХ Волеј во чии редови прва ѕвезда е нашиот репрезентативен капитен Никола Ѓорѓиев, загуби во првиот четвртфинален меч од Купот на ЦЕВ против италијанска Модена.
Очекувано, италијанскиот тим предводен од одбојкарската легенда Андреа Џани дојде до победа од 3:1 во сетови и практично на овој прв меч во Словенија успеа да зачекори кон полуфиналето.
Ѓорѓиев одигра добар натпревар и успеа да реализира 15 поени со што беше најдобар реализатор во словенечкиот тим. Реваншот ќе се игра следната среда во Модена.
