Кошаркарите на Далас го победија Лос Анџелес Клиперс на гости со 110:104 и ја остварија втората последователна победа. Новајлијата во дресот на Мавски, Кајри Ирвинг беше најефикасен, откако во своето деби постигна 24 поени. Тој на почетокот на оваа недела се пресели од Бруклин во Далас, а за 37 минути на паркетот имаше и пет асистенции и четири скока.
Тим Хардавеј во победата учествуваше со 19 поени, шест асистенции и пет скока, а Реџи Булок со 18 поени и шест асистенции.
Кошаркарите на Бостон ја победија Филаделфија со 106:99 и ја постигнаа четвртата победа во последните пет натпревари. Селтикси ги предводеа Дерик Вајт со 19 поени и Малколм Брогдон со 19 поени. Тимот од Бостон поради повреди остана без тројца стартери, Маркус Смарт, Роберт Вилијамс и Ал Хорфорд.
Кошаркарите на Портланд го победија шампионот Голден Стејт со 125:122, предводени од Демијан Лилард, кој имаше трипл-дабл учинок од 33 поени, 11 асистенции и 10 скока.
НБА РЕЗУЛТАТИ:
Кливленд – Детроит 113:85
Вашингтон – Шарлот 118:104
Бостон – Филаделфија 106:99
Мајами – Индијана 116:111
Торонто – Сан Антонио 112:98
Хјустон – Сакраменто 128:130
Јута – Минесота 118:143
ЛА Клиперс – Далас 104:110
Портланд – Голден Стејт 125:122
