Барселона е во одлична форма во моментов. Гигантот од Каталонија го освои шпанскиот Суперкуп, се пласираше во полуфиналето на Купот, а во Ла Лига води на табелата со осум бодови пред второпласираниот Реал Мадрид.
Еден од најважните играчи, Осман Дембеле се повреди на крајот на јануари, се очекуваше да биде надвор од терените околу три недели.
Сепак, денес од Шпанија доаѓаат поинакви вести, тој ќе биде надвор од теренот многу подолго од првично предвиденото.
Имено, францускиот репрезентативец нема да се врати на теренот пред 19 март, а ова е многу непријатна вест за Барселона со оглед на тоа што ќе пропушти некои натпревари против силните противници.
Поради тоа, Дембеле нема да биде на теренот во двомечот против Манчестер Јунајтед во осминафиналето на Европската лига, како и на Ел Класико против Реал Мадрид, кое ќе се игра во рамките на натпреварувањето во Купот на кралот.
