Милан на „Сан Сиро“ го совлада Торино во 22. коло од италијанската Серија А со 1:0. Јунак на домашните беше феноменалниот Оливие Жиру, кој го постигна победничкиот гол во 62. минута од натпреварот.
Милан се мачеше да дојде до трите бода, но како решение повторно го имаше искусниот Французин кој со еден потег го реши дуелот.
„Росонерите“ одиграа катастрофално прво полувреме, па среќа во вториот дел успеаја да најдат начин за да ја извојуваат посакуваната победа.
Милан на овој начин стигнаа до многу важни три бода, со кои ја прекинаа серијата од три порази во низа и пет натпревари без победа во првенството.
Milan [1]-0 Torino
— zack💚 FAST GOALS (@GoalsZack) February 10, 2023
