Меѓународната фудбалска федерација ФИФА официјално ги објави тројцата финалисти за „Најдобар“ – „Фудбалер на годината“. Во изборот немаше изненадувања, избрани беа Лионел Меси, Килијан Мбапе и Карим Бензема.
Според многу стручњаци, фаворит за наградата останува Аргентинецот, кој го освои Светското првенство, титулата во Франција со Пари Сен Жермен, како и наградата за најдобар играч на Мундијалот.
Останатите двајца во финалната тројка имаа и незаборавна 2022 година. Мбапе беше во својот елемент на Светското првенство во Катар, постигнувајќи 8 гола за Франција, вклучително и хет-трик во финалето против Аргентина. Покрај ова, 24-годишниот крилен напаѓач ја освои и француската титула покрај Меси како и наградата за најдобар стрелец на Светското првенство.
Карим Бензема од своја страна ја имаше најсилната година во кариерата. Со својот клуб Реал Мадрид ја освои титулата во Шпанија, Лигата на шампионите и Суперкупот на Европа, а на почетокот од тековната сезона ја освои и Златната топка.
