ФК Работнички денеска објави дека потпиша професионален четиригодишен договор со големиот талент на клубот, Фета Фетаи. Тој е уште еден од плејадата талентирани фудбалери кои потекнуваат од школата на клубот и добиваат свое место во сениорскиот тим.
Фета Фетаи е играч од средниот ред, а од почетокот на сезоната е прекомандуван во сениорскиот погон. Тој веќе го имаше и официјалното деби за „романтичарите“.
