Работнички во пријателски натпревар одигран на игралиштето на „Алумина“ во Скопје, со 2:0 успеа да го победи второлигашот Вардар. Ова беше генералка и за двете екипи со оглед на тоа следниот викенд стартува пролетниот дел и во ПМФЛ и во ВМФЛ.
Работнички поведе со голот на Гандо во 45.минута, додека на 2:0 зголеми Филип Тодороски, големиот талент од Прилеп кој пред неколку дена дојде од Победа и веднаш на своето деби постигна гол за Работнички.
Тимот на стратегот Милан Илиевски покажа дека подготвен ќе го дочека стартот од пролетниот дел во ПМФЛ.
