Никола Јокиќ имаше 30 поени, 16 скока и десет асистенции во победата на Денвер над Шарлот од 119:105. Србинот го постигна 20-от трипл-дабл сезонава, што е рекорд во историјата на Нагетс. Денвер им го нанесе го седмиот последователен пораз на Хорнетс, а на Денвер му донесе по четири порази во низа на гости.
Nikola Jokic most triple-doubles:
20 — This season
19 — 2nd MVP season
16 — 1st MVP season pic.twitter.com/qrdV3JInn6— StatMuse (@statmuse) February 12, 2023
За доминацијата на српскиот центар говори и фактот што сезонава има двојно повеќе трипл-дабл од ѕвездата на Далас Маверикс Лука Дончиќ, кој е втор во таа ранг-листа.
„Само така играм, не ни размислувам“, изјави Јокиќ по историскиот меч.
Денвер е водечки тим во Западната конференција со 39 победи и 18 порази, додека Хорнетс се последни на Истокот, каде имаат 15 победи и 43 порази.
Лука Дончиќ и Кајри Ирвинг за првпат играа заедно, а потоа загубија во драмата по продолжение, Сакраменто ги совлада Маверикс со 133:128, пред се поради неверојатната партија на Дирон Фокс, кој на крајот постигна 36 поени, 5 асистенции и 4 скока.
На другата страна, Дончиќ и Ирвинг минаа по 41 минута на теренот и заедно постигнаа 55 поени, но тоа не беше доволно за победа.
Ирвинг заврши со 28 поени и 7 скока и асистенции, додека Словенецот постигна27 поени, 9 скока и 5 асистенции. Сакраменто сега е трет, а Далас петти на Западот и двата тима продолжуваат да го бркаат Денвер на врвот на конференцијата.
НБА РЕЗУЛТАТИ
Бруклин – Филаделфија 98:101
Шарлот – Денвер 105:119
Орландо – Мајами 103:107
Вашингтон – Индијана 127:113
Атланта – Сан Антонио 125:106
Њујорк – Јута 126:120
Кливленд – Чикаго 97:89
Голден Стејт – ЛА лејкерс 103:109
Сакраменто – Далас 133:128
