Во шпанската Ла Лига, Атлетико Мадрид ги освои трите бода на гостувањето кај Селта благодарение на победата од 1:0. Погодокот за победа го постигна Мемфис Депај во 89 минута што е негов деби гол во дресот на „јорганџиите“. Во тие моменти неговиот тим беше со 10 фудбалери во поле поради исклучвуањето на дефанзивецот Стефан Савиќ.
Савиќ сезонава е вистински „месар“ на терените, а тоа е трет негов црвен картон сезонава. Подетално тоа е третиот црвен картон на последните пет натпревари. Црногорскиот дефанзивец доби директен црвен картон против Барселона во Ла Лига и паузираше два меча, заигра на мечот со Реал Мадрид во Копа дел Реј каде доби два жолти картони и беше исклучен.
Го прескокна мечот со Хетафе поради повреда, го одигра целиот меч со Хетафе, а сега доби директен црвен картон против Селта. Негова лоша сезона.
