Се уште се трага по исчезнатиот Кристијан Атсу кој по земјотресот во Турција остана под урнатините на зградата во која се наоѓаше во моментот на земјотресот. Иако клубот во еден момент објави дека тој е извлечен од урнатините, сега се огласи неговото семејство.
Сопругата Мари Клер Рупио, која ја запознал додека играше за Порто во 2012 година, не ја губи надежта, верува дека фудбалерот од Гана е жив.
„Атсу се уште го нема, не се знае каде е точно, но верувам дека се уште е жив. Се молам за него. Поднесов барање до Хатајаспор, турските власти, британската влада да обезбедат опрема. Тие не можат да навлезат длабоко без опрема, а времето истекува“, рече таа, а нејзината 71-годишна тетка беше целосно скршена:
“Подобро ќе беше да го изгубев животот, а Атсу да преживее, бидејќи тој е нашата единствена надеж“.
Сега веќе поминаа пет дена од земјотресот, иако имаше случаи на среќни моменти, дел од луѓето беа извлечени живи од урнатините после долго време, но со секој час надежта се намалува.
