Денеска во Анталија фудбалерите на Силекс во последната своја контрола, беа поразени од Торпедо Куташи со 1:2. Голот за кратовци бил дело на новајлијата Марко Ѓорѓиевски. Според извештаите од таборот на Силекс од Анталија, кратовци одиграле сосема добар натшревар против грузискиот тим, имале и неколку шанси па и зицери, но сепак на овој натпревар биле поразени.
Како што веќе напоменавме, ова беше последната пријателска средба на Силекс во Анталија, експедицијата на кратовци утре се враќа во Македонија.
Познато е дека четата на стратегот Горазд Михаилов во првото пролетно коло, кое е закажано за во недела, е слободна.
