Тренерот на Барселона, Чави одлучи да им даде слободен ден на играчите денеска за да можат соодветно да се опорават пред натпреварот против Манчестер Јунајтед во четврток, но дел од нив не го прифатија слободниот ден.
Осум играчи се откажаа од можноста да останат дома и самоиницијативно дошле на теренот за индивидуален тренинг, пишува „Мундо Депортиво“. Станува збор за Жорди Алба, Серхи Роберто, Феран Торес, Ерик Гарсија, Ансу Фати, Гави, Алекс Балде и Пабло Торе.
Покрај тоа, Серхи Бускетс и Усман Дембеле исто така пристигнале во базата за да продолжат со тренинзи за опоравување од повредите.
Утре Каталонците се враќаат со редовни тренинзи и главна подготовка за дуелот со Англичаните.
