Баерн победи против ПСЖ со 1:0 во првиот осминафинален натпревар од Лигата на шампионите, а судејќи според реакциите на фудбалските фанови на социјалните мрежи, победи не само на теренот, туку и на трибините. Германците таму воодушевија со своите бројки, навивање, палење на факелот, но и со порака до домаќинот.
„Билет 70 евра? Ние се уште не сме Нејмар. 20 евра за влез е многу! Е*и се ПСЖ!“, пишуваше на транспарентите кои навивачите на Баерн ги развиорија за време на натпреварот. Вака протестираат против УЕФА и клубовите што ограбуваат навивачи со превисоки цени на билетите, особено на гостински терен.
УЕФА утврди дека на гостинските навивачи влезниците за натпреварите од Лигата на шампионите може да им наплатат најмногу 70 евра, што пак е премногу за навивачите особено за најлошите места на стадионите.
Клубовите домаќини често ја одредуваат точната наведена цена со цел да заработат пари од гостинските навивачи.
Затоа навивачите на Баерн реагираа во групната фаза од оваа сезона во Пилзен, кога им наплатија највисока можна влезница.
