Вечерва од 20:30 часот на “Емирејтс“ се среќаваат Арсенал и Манчестер Сити, во заостанатиот меч од 12.коло во Премиерлигата. Јасно е дека ова ќе биде битка меѓу Микел Артета и Пеп Гвардиола, кој некогаш заедно работеа во Сити.
Јасно е дека „топчиите“ ќе „пукаат“ по “граѓаните“ и во случај на победа математички може да дојдат до +9 бода, ако се знае дека имаат и меч помалку од својот ривал за титулата.
Но, исто така јасно е дека Арсенал е во мала криза, а Сити е во налет. Сепак кога се игра вакво дерби, кога титулата е во прашање ништо однапред не се знае.
Во Арсенал имаат и мотив повеќе по оние судиски скандали на нивна штета, кога им беа “одземени“ неколку бода.
Во пресрет на овој меч Арсенал е прв со 51 бод од 21 меч, додека Сити е втор со 48 бода од 22 меча.
Е, па, вечерва е време за „атомски фудбал“ во Лондон, на „Емирејтс“.
Cut from the same cloth. ✂️
Who's ready for @Arsenal v @ManCity? pic.twitter.com/iypLnIePpQ
— Premier League (@premierleague) February 15, 2023
