Во соблекувалната на Манчестер Јунајтед нема консензус дали Мејсон Гринвуд треба да се врати во клубот.
Гринвуд (21) беше суспендиран минатиот јануари, откако беше обвинет дека ја нападнал својата девојка. Тој подоцна беше уапсен, но сите обвиненија сега се отфрлени поради „повлекување на клучните сведоци“ и појава на „нов доказен материјал“.
Иако Мејсон повеќе не е под истрага, клубот не брза да го врати и води внатрешна истрага. „Тајмс“ објави дека мислењето во соблекувалната е поделено.
Во написот се наведува дека голем дел од играчите кои биле консултирани имаат „сериозни сомневања“ за враќањето на Гринвуд. Останатите „немаат ништо против“ тој да ја продолжи кариерата на „Олд Трафорд“ со оглед на тоа што не е прогласен за виновен.
Познато е дека женскиот тим на Јунајтед објави дека е „сериозно загрижен“ за можноста за враќање на Мејсон.