Манчестер Јунајтед вечерва ремизираше на гостувањето кај Барселона во натпревар кој барем според прикажаното на теренот лесно можеше да го добие.
Една од клучните ситуации се случи во вториот дел кога Рашфорд сам тргна кон голот на домаќините. Кунде успеа да дојде до него и го собори, сите на теренот бараа фаул, но главниот судија не се огласи.
Токму за оваа ситуација посебно беше бесен тренер на Јунајтед, Тен Хаг.
„Судењето имаше големо влијание на овој меч. Беше црвен картон поради фаулот над Рашфорд, тој тргна сам кон голманот“, изјави Тен Хаг.
Не застана стратегот на Јунајтед.
„Беше прекршок, можете да зборувате дали беше внатре или надвор од казнениот простор, но беше црвен картон“, кажа Тен Хаг, кој продолжи и откри што му кажал ан судијата.
„Го прашав зошто и тој ми рече дека не е фаул. Не можам да верувам што ми кажа. ВАР ја гледаше ситуацијата и тоа не беше направено како што треба. Можеби тие се само слаби и не можат се справи со притисокот“, заврши тој Тен Хаг.
Одлуката за тимот што ќе се пласира во следната фаза од натпреварувањето ќе биде решена на реваншот одигран во Англија.
