Арсенал со пресврт дојде до победа на гостувањето кај Астон Вила со 2:4 (2:1), иако домашните имаа шанса за триумф со оглед на одличната игра која ја прикажаа во текот на целиот меч.
Екипата на Астон Вила поведе во 5. минута преку Воткинс, а израмнувачкиот гол за гостите дојде во 16. минута од натпреварот кога Букајо Сака успеа да погоди во домашната мрежа.
Во 31. минута Кутињо погоди за 2:1, резултат со кој се замина на пауза.
Арсенал се врати со доминација во вториот дел која резултираше со гол за 2:2 во 61. минута од натпреварот. Зинченко шутираше од работ на шеснаесетникот и погоди за 2:2!
Во 3. минута од судиското надополнување, Жоржињо феноменално шутира и ја погоди гредата, но топката се одби во главата на голманот Мартинез, кој ја внесе во сопствениот гол и го донесе гостинот до предност за победа – 2:3! До крајот „топчиите“ постигнаа и четврти гол за потврда на успехот.
