Женската екипа на МЗТ Скопје во својот дебитански настап во Купот на Македонија „Благоја Георгиевски Буштур“ успеа да го освои трофејот. Кошаркарките од Аеродром во финале ја совладаа екипата на Баскет Кам со 75-60 и сосема заслужено се радуваа.
„За разлика од полуфиналниот натпревар кога лошо почнавме и бркавме разлика, во финалето успеавме да го контролираме резултатот цело време. Игравме добро и во напад и во одбрана и сум задоволна од прикажаната игра на кошаркарките. Ова е прв трофеј на женскиот кошаркарски клуб МЗТ Скопје и мој прв освоен пехар, така што се радувам на тој успех. Им честитам на сите и ова е мотив и основа за понатамошна работа“, изјави тренерот Вела Красниќ
