Барселона размислува да направи изненадувачка замена на Ансу Фати со Жоао Феликс следното лето, тврди новинарот Ману Саинц.
Тој вели дека претседателот на Каталонците, Жоан Лапорта е воодушевен од идејата да го придобие Португалецот во друштво на Педри, Гави и Френки де Јонг.
Ансу Фати и Жоао Феликс ги застапува истиот агент Жорге Мендеш, со кого Лапорта одржува добри односи. Барселона практично постигна договор со Атлетико Мадрид да го ангажира напаѓачот за 70 милиони евра во јануари 2022 година, но тогаш договорот пропадна и Барса наместо тоа го избра Феран Торес.
23-годишниот Португалец моментално е на позајмица во Челзи.
