Актуелниот шпански шампион Реал Мадрид славеше победа на гостувањето кај Осасуна со 2:0. „Кралевите“ ги обезбедија бодовите во второто полувреме кога и паднаа двата гола.
Во 78 минута резултатот го отвори Валверде. Гостите до крајот рутински си ја одработија задачата. Во 89 минута ВАР поништи гол на Винисиус, а во наредната акција Марко Асенсио ја запечати победата на мадриѓаните.
Реал има 51 бод по 22 кола, пет помалку од лидерот Барселона. Барса својот меч против Кадиз ќе го игра утре. Осасуна е на десеттото место и веќе пет меча не знае за победа.
