Ретко кој очекуваше дека уште на стартот на пролетниот дел, “реновираната“ А. Пандев, ќе успее да го освои целиот плен во Ѓорче и тоа кај Македонија ЃП. Грузиецот Ергимлидезе веднаш покажа дека е супер засилување, на своето деби го постигна првиот гол за победа на струмичани.
Се чини дека ова е некоја нова А. Пандев, екипа која нема да има проблем да избега од опасната зона на табелата. Тренерот Александар Васоски мора да биде задоволен. А домашните потврдија дека се далеку од тоа да сторат нешто повеќе во оваа сезона.
Пред почетокот на мечот и мала свеченост, Арби Воша доби подарок, враме дрес на Македонија ЃП за неговиот 100-ти настап во дресот на “лавовите“.
