Францускиот шампион ПСЖ излезе со соопштение за состојбата на напаѓачот Нејмар, кој на денешниот дуел со Лил ја повреди ногата.
Како резултат на прегледот направен веднаш по мечот, на Бразилецот му е констатирано истегнување на скочниот зглоб. Лекарите велат дека е добро што нема скршеница.
Според специјалистите, за два дена Нејмар ќе мора да направи уште еден преглед за да се донесе конечна дијагноза и да се направи план за рехабилитација. Проблем за ПСЖ е и повредата на Нуњо Мендеш, кој има повреда на десното колено.
